30 ივნისს ბიზნესისა და ტექნოლოგიების აკადემიაში აღმზრდელის პროფესიული პროგრამით გათვალისწინებული ბოლო მოდულის „პრაქტიკული პროექტი - სკოლამდელი აღზრდა და განათლება“-ში პრეზენტაცია გაიმართა .
სტუდენტებმა წარმოადგინეს მასწავლებლის მიერ მიცემული ინდივიდუალური დავალებების შესაბამისი პრეზენტაციები, რომელიც მოიცავდა შემდეგ საკითხებს: კურიკულუმის გამოყენება საგანმანათლებლო პროცესში, ბავშვთან ურთიერთობა მისი განვითარების ხელშეწყობის მიზნით, ფიზიკური გარემოს მართვის, ასევე საგანმანათლებლო გარემოს დაგეგმვისა და მართვის თემატიკას.
წარმოდგენილი პრეზენტაციებით მათი პრაქტიკული უნარები შეფასდა.
დასასრულს კი სტუდენტებმა კოლეჯის ადმინისტრაციის წარმომადგენლებსა და მასწავლებლებს სიმბოლური საჩუქრები წარმოუდგინეს: მოკლე პერფომანსი, სტუდენტთა ტექსტზე შექმნილი მუსიკალური რგოლი, ასევე სტუდენტის ხელით შექმნილი პერსონალური თოჯინები.
ეს ლამაზი დღეც დაუვიწყარ მოგონებად ჩაიწერება ჩვენი კოლეჯის მრავალწლიან ისტორიაში
