24 მარტს, ბიზნესისა და ტექნოლოგიების აკადემიის საჩხერის ფილიალში სტუმრად იმყოფებოდნენ:
საქართველოს განათლების, მეცნიერებისა და ახალგაზრდობის მინისტრის მოადგილე-გიორგი ჯინჭარაძე, საქართველოს პარლამენტის განათლების, მეცნიერებისა და ახალგაზრდულ საქმეთა კომიტეტის წევრები
სსიპ საგანმანათლებლო და სამეცნიერო ინფრასტრუქტურის განვითარების სააგენტოს წარმომადგენლები, საჩხერის მუნიციპალიტეტის მერი ლევან ივანაშვილი და საკრებულოს თავმჯდომარე გაგა დარბაიძე.
საქართველოს პარლამენტის განათლების, მეცნიერებისა და ახალგაზრდულ საქმეთა კომიტეტის წევრებმა გამართეს გასვლითი კომიტეტის სხდომა, სადაც გიორგი ჯინჭარაძემ - 2024 წლის საქმიანობის ანგარიშსა და 2025 წლის მიმდინარე და დაგეგმილ პროექტებზე ისაუბრა.
კომეტეტის წევრებმა დაათვალიერეს ბიზნესისა და ტექნოლოგიების აკადემია, გაეცნენ კოლეჯის ინფრასტრუქტურასა და სასწავლო პროცესს, ასევე გაესაუბრნენ სტუდენტებს პროფესიული განათლების მნიშვნელობაზე.
როგორც კოლეჯის რექტორმა სოფიო მაჭარაშვილმა აღნიშნა, აკადემია ავტორიზებული პროფესიული სასწავლებელია, რომელიც ყველა საავტორიზაციო სტანდარტს აკმაყოფილებს. მისივე ინფორმაციით, კოლეჯი სტუდენტებს საშუალებას აძლევს დაეუფლონ პროფესიულ ცოდნას და თანამედროვე სტანდარტების შესაფერისი განათლება მიიღონ.
მსგავსი შეხვედრები მოტივაციას აძლევს კოლეჯის ადმინისტრაციასა და სტუდენტებს, ხელს უწყობს პროფესიული განათლების პოპულარიზაციას.
ბიზნესისა და ტექნოლოგიების აკადემია თანამშრომლობს ორმოცდაათზე მეტ კომპანიასა და ორგანიზაციასთან. კომპანიები აქტიურად თანამშრომლობელ სტუდენტთა სტაჟირებისა და მათ შემდგომ დასაქმებაში
