15 სექტემბერს ბიზნესისა და ტექნოლოგიების აკადემიაში საგაზაფხულო მიღებით ჩარიცხული პროფესიული სტუდენტებისთვის სასწავლო პროცესის დაწყების დღისადმი მიძღვნილი ღონისძიება გაიმართა.
ღონისძიება აკადემიის რექტორმა, სოფიო მაჭარაშვილმა გახსნა, პროფესიულ სტუდენტებს მიულოცა სწავლის დაწყება, ადმინისტრაციის წარმომადგენლები და პროგრამის ხელმძღვანელები წარუდგინა, ასევე, ისაუბრა აკადემიის მიღწევებსა და სამომავლო გეგმებზე.
- აკადემიის რექტორის მოადგილემ სასწავლო დარგში სტუდენტებს გააცნო:
- აკადემიის ვებ-გვერდი;
- პერსონალურ მონაცემთა დაცვის პოლიტიკა;
- სასწავლო პროცესთან დაკავშირებული სამართლებრივი აქტები;
- სტუდენტის ელექტრონული პლატფორმა;
სტუდენტების სიმრავლიდან გამომდინარე ღონისძიება ორ ნაკადად ჩატარდა.
პროფესიულმა სტუდენტებმა გაცნობითი შეხვედრისა და ტორტის გაჭრის ცერემონიის შემდეგ, სასწავლო გარემოსთან ინტეგრაციის მიზნით, პროგრამის ხელმძღვანელებთან და სასწავლო პროცესის წარმომადგენლებთან ერთად აუდიტორიებში გადაინაცვლეს, სადაც ისინი დეტალურად გაეცვნენ პროგრამის სპეციფიკას, სასწავლო ცხრილებსა და სასწავლო პროცესთან დაკავშირებულ სხვა საკითხებს.
მადლობას გიხდით ნდობისთვის! BTA-ს გუნდი ყველაფერს გავაკეთებთ იმისთვის, რომ თქვენი იმედები გავამართლოთ!
წარმატებულ სასწავლო წელს გისურვებთ!
